Concours Un des Meilleurs Ouvriers de France : quel intérêt pour la Corse ?
(A redazzioni d'Alta Frequenza) - U Cumitatu d'Urganisazioni di i Mostri di u Travaghju è di u Cuncorsu "Un des Meilleurs Ouvriers de France" hè statu accoltu ssu marti in i salotti di a Prifittura di Corsica in Aiacciu. Un cuncorsu chì t'avia dighjà com'è scopu, à l'epica di a so criazioni in u 1924, di migliurà a riputazioni di u travaghju manuali è crià torna l'emulazioni è a passioni pà l'amparera di i mistieri d'arti ind'è l'artisgiani di l'eccellenza. À u cuntrariu di l'idei falsi chì fariani pinsà chì ssu cuncorsu saria apartu solu à i mistieri di l'alimentazioni è di a risturazioni, quissu quì hè didicatu dunqua dinò à l'artisgiani, ch'ellu si trattessi par asempiu di parsoni chì travaghjani in u settori di u BTP, di l'industria, o ancu di l'arti. Pà participacci, basta à avè più di 23 anni à u mumentu di a fini di i scrizzioni, vali à dì da quì à calchì simana. Pà l'uccasioni, u prifettu di Corsica hà vulsutu lampà una chjama da fà chì i scrizzioni sighini numarosi nant'à l'isula. Chì ci pudaria essa com'è intaressu ?
Steti à senta à Bernard Schmeltz.
Sur le même sujet
