Confirmation du redécoupage cantonal de la Haute-Corse : Joseph Castelli mécontent
(A redazzioni d'Alta Frequenza) - Joseph Castelli, u presidenti di u cunsighju ghjinirali di Corsica Suprana, riagisci dopu à l'ufficialisazioni di a nova urganisazioni cantunali di u dipartimentu è faci sapè a so scuntintezza. Rammenta chì u cunsighju ghjinirali "avia accittatu u fattu di a riforma, dumandendu à tempu à u guvernu parechji mudificazioni marghjinali, mutivati è ghjustificati, annant'à i delimitazioni di calchì cantonu. Ci semi accorti chì ssi mudificazioni ùn mittiani micca mali l'equilibriu ghjinirali di u prughjettu, è dunqua micca in periculu a so sulidità ghjuridica" dici Joseph Castelli, chì rigretta "di manera prufonda chì u guvernu ùn si sighi micca mossu pà ciò chì tocca i dumandi mudesti di mudificazioni di l'urganisazioni pruposta. A nostra dimarchja era sincera è riflittuta, arrimbata à una vulintà di cambiamentu uttimali, chì una cunniscenza parfetta di u tarrenu rindia lighjittima". Joseph Castelli dici dinò chì "ancu s'è calchì cambiamentu di a denuminazioni sò stati presi in contu, si pò avè assai rigretti pà ciò chì tocca i parolli in lingua corsa chì ùn sò micca stati ritinuti".
Sur le même sujet
