Conflit à l'hôpital de Bonifacio: peut-être du nouveau
(A redazzioni d'Alta Frequenza) - Ci hè forsa calcosa di novu, u forsa hè assai impurtanti, ind'u cunflittu chì upponi u STC à l'Agenza Righjunali di a Saluta inde ciò ch'è no pudemi chjamà l'affari di l'uspidali di Bunifaziu. A riunioni chì hè stata urganizata ssu dopu meziornu (marti) ind'a sottu prifittura di Sartè trà i sindicalisti, a missioni di spertizia è u direttori di l'ARS hà duratu più di dui ori è pari chì quissa quì avissi fattu avanzà i cosi. In fatti u spertu avaria ricunnisciutu chì certi prublemi pà ciò chì cuncerna a gistioni di l'uspidali di Bunifaziu erani spuntati. Hà ancu aghjustatu, d'appressu à i sindicalisti, chì i prissioni psiculogichi è murali s'ani da ripruducia contr'à certi parsunali. U STC ùn hà micca presu ss'affirmazioni cusì ma l'hà accolti com'è un puntu pusitivu. Aspetta oramai cun impazienza cosa sarà a dicisioni finali ritinuta da l'ARS. Rammintemi chì u STC dumanda torna è sempri, è ancu dopu à ssa riunioni, a partenza di u direttori di l'uspidali di Bunifaziu.
Sur le même sujet
