Conflit aux CFC : les critiques politiques de Marie-Antoinette Santoni-Brunelli
(A redazzioni d'Alta Frequenza) - Riunioni di l'Assemblea di Corsica oghji è dumani (ghjovi è vennari), cù in prima parti i quistioni urali à l'esecutivu. Prima dumanda di spiecazoni, quilla di Marie Antoinette Santoni Brunelli, nant'à u cunflittu di i Camini di Farru di a Corsica. L'eletta "Rassembler pour la Corse" hà parlatu cù forza à u presidenti di l'uffiziu di i trasporti : "feti u cioncu mentri chì u vostru culleghu, Michel Stefani, presidenti di a SEM di i CFC, chjama, cù a stampa, à l'apartura di i neguziazioni" ... "i vostri divergenzi intrattenini una situazioni di blucchimi" hà dittu quissa quì dinò. A risposta di Paul Marie Bartoli hè stata fatta nant'à un tonu appena ironicu. "Ùn aghju micca sparitu". È u presidenti di l'Uffiziu di i Trasporti hè statu senza ambiguità. Hà firmatu un accordu cù u sindicatu maghjuritariu, è s'è accunciamenti sò pussibuli à a marghjina, ùn ci pò micca essa una rineguziazioni. Oghji, dici quissu quì, a discussioni devi principià trà i grevisti è a direzzioni di a SEM. S'è divergenzi sindicali asistini, a CTC ùn pò micca essa designata com'è rispunsevuli. À traversu à issu cunflittu à i camini di farru, semi dunqua in traccia di passà à pocu à pocu da un simplici cunflittu suciali trà un impiecanti è i so impiecati, à una vera crisa pulitica. Marie Antoinette Santoni Brunelli, chì hà missu appena u focu, s'è no a pudemi dì cusì, hà dittu ch'ellu ùn era mancu appena suddisfata di pettu à l'evuluzioni di l'avenimenti. Par ella, iss'affari quì esci oghji più cà largamenti da u simplici nivellu suciali.
Ecoutez-la.
Sur le même sujet
