Conflit maritime : ça va mal et ça "doure" !
(A redazzioni d'Alta Frequenza) - Cunflittu ind'u marittimu : l'ambiu hè di più in più gattivu. Di fattu, d'appressu u ghjurnali La Provence, ind'una lettara mandata oghji (vennari) à u secretariu ghjinirali di i marinari CGT Frédéric Alpozzo, u direttori ghjinirali di La Méridionale (CMN), Marc Reverchon, ricusaria a pruposta di ss'ultimu di pona una lagnanza contr'à a Corsica Ferries, stimendu chì a so intrapresa "ùn hè micca fundata pà ingaghjà un'azzioni simuli", ma dinò chì quissa quì "fiascaria di manera sicura" è "ùn risolvi nulla". Marc Reverchon vularia, sempri sicondu u ghjurnali dinunzià dinò "i campagni di disinfurmazioni" battendu à prò di a tesa chì diciaria chì La Méridionale t'avaria "un accordu cù Corsica Ferries pà ciò chì tocca l'avvena di a SNCM". Infini, in ssa lettara sempri, Marc Reverchon diciaria dinò chì dopu à 48 ori di greva, "La Méridionale hà dighjà persu 150 000 auri". Intarrugatu da noi, La Méridionale ùn hà micca cunfirmatu tutti i punti ammintati da u ghjurnali La Provence.
Sur le même sujet
