Conflit SNCM-CMN: l'inquiétude des éleveurs
(A redazzioni d'Alta Frequenza) - Pari chì ùn nulla cambiessi ind'u cunflittu chì upponi dipoi ottu ghjorni oramai i marinari di a SNCM è di a CMN, micca à a so direzzioni ma si pudaria dì guasgi à u restu di u mondu. U guvernu, l'eletti isulani, a Corsica Ferries, è a lista ùn hè micca cumpletta, sò incausati da un'intersindicali chì li rimpruvareghja tuttu. Ùn ci hè nulla chì movi dunqua ma saria ora di mova si ! Eccu ciò chì di più in più parsoni pensani in Corsica è ùn si tratta micca solu di parsoni chì ghjunghjini in vacanzi o chì partini pà i sports d'inguernu. I spurtadori di clementini ani trovu pà un certu tempu una meza suluzioni chì arragna pocu affari ma altri prublemi si ponini inde l'agricultura. L'alimentazioni di i bestii cumencia à crià veri prublemi è u timori hè di più in più prisenti ind'è l'allivadori; a situazioni ùn pudarà micca durà troppu dunqua com'è a ci dicini i dui sindicati di ghjovani agricultori chì erani aduniti stamani (marcuri) in Corti.
Steti à senta à Pierre Toussaint Gaffory, pà u JA righjunali.
Sur le même sujet
