Conflit SNCM-CMN: Laurent Marcangeli a alerté le gouvernement
(A redazzioni d'Alta Frequenza) - Nova ghjurnata di greva oghji (marti) à a SNCM è a CMN, ciò chì ùn voli micca dì chì i porti corsi ùn sò micca attivi. In fatti, a Corsica Ferries hà prugrammatu novi viaghji è prova à mantena l'attività trà a nostra isula è u cuntinenti. A suluzioni chì hè stata trova arimani (luni) trà i camari cunsulari è u traspurtadori si sà, cunveni micca di modu sanu, è u fattu chì a greva sighi sempri quì ferma malgradu tuttu un puntu assai pessimu. Nisun elementu novu hè intarvinutu in fatti oghji, è i presi di pusizioni arrighjistrati appena dapartuttu facini imperghjuriscia a situazioni. À u nivellu puliticu, Laurent Marcangeli hà dittu stamani duranti a so riintrata pulitica ch'ellu suvita da vicinu vicinu ssu cunflittu. Hà dighjà mandatu una chjama à u guvernu è dici ch'ellu stà propiu attenti à a seguita di l'avenimenti.
Steti à senta à Laurent Marcangeli.
