Conflit SNCM : l'ultimatum des socioprofessionnels corses a pris fin
(A redazzioni d'Alta Frequenza) - Una bella mez'ora fà, l'ultimatum lanciatu da i socioprufiziunali di l'isula, vali à dì a CCI di Bastia è di Corsica Suprana, i Camari d'Agricultura di Corsica Suprana è righjunali, u sindicatu prufiziunali di i traspurtadori di Corsica è urganisazioni sindicali prufiziunali numarosi, si pò cità u BTP, u MEDEF è ancu intrapresi lucali, s'hè compiu. Fin'è 6 ori, tutti ani aspittatu cù una certa impazienza è inchietudina nutizii pusitivi da Marseghja. S'è di manera effettiva ci sò neguziazioni chì aduniscini dipoi u principiu di a ghjurnata azziunari è salariati sottu à a direzzioni di un mediatori mandatu da u guvernu, l'infurmazioni i più cuntraditorii viaghjani pà ciò chì tocca l'evuluzioni di quissi quì. Parechji cumunicati sò stati diffusati dopu meziornu da certi urganisazioni sindicali ammintendu avanzati sicuri, altri fonti citani un blucchimi sempri cusì forti da a parti di l'azziunari. Senza vulè lanciassi inde raghjunamenti ipotetichi annant'à l'evuluzioni pussibuli di i cosi, ci semi ghjirati piuttostu ver di quilli chì sani esattamenti induva elli vani, u cullittivu di i socioprufiziunali.
Aviani missu in ballu un'urganisazioni pricisa ind'u tempu, è a rispettani, com'ellu a ci dici Jean Marc Venturi, pà tutti l'urganisazioni.
