Conseil Départemental sur fond de polémique entre François Orlandi et Inseme
(A redazzioni d'Alta Frequenza) - S'è u cunsighju dipartimintali di Corsica Suprana s'hè passatu piuttostu bè di manera generali, u so principiu ùn hà micca mustratu una maghjina di i più famosi di a pulitica. In fatti, dopu à u cumunicatu di stampa di u gruppu Inseme di u cunsighju dipartimintali in seguita à a cunfarenza di stampa cumuna di i dui dipartimenti nant'à a cullittività unica à a fin di farraghju, è à parechji dumandi di ssu gruppu in internu à u Cunsighju dipartimintali, u presidenti supranacciu, François Orlandi, hà riagitu cù putenza. Hà dittu par asempiu ch'ellu ùn avia micca a paura di perda a so piazza d'elettu, è chì ùn li sò micca piaciuti i metudi è i cumunicazioni di u gruppu d'uppusizioni, par asempiu cuncirnendu dumandi di certi pezzi in u quadru di l'affari dittu di i gîtes ruraux, François Orlandi ghjudichendu chì certi eletti erani in i fatti picculi inchiestadori.
Steti à senta à François Orlandi, u presidenti di u Cunsighju Dipartimintali di Corsica Suprana.
