Conseil intercommunal de sécurité à Bastia : l'œil du préfet
(A redazzioni d'Alta Frequenza) - U prifettu di Corsica Suprana, Alain Rousseau, è u presidenti di a Cumunità d'Agglumerazioni di Bastia, François Tatti, accumpagnati da eletti numarosi è rispunsevuli di i forzi di l'ordini è di raprisintanti di a ghjustizia, ani lanciatu calchì ghjornu fà u Cunsighju Intercumunali di Securità è di Privenzioni di a Delinquenza. U scopu di ss'istanza hè di fà chì l'ambienti di u tarritoriu di a CAB, abbastanza calmu par avà, firmessi cusì, cù una cuurdinazioni trà i cumuni è i parti cuncirnati da a securità è a lotta contr'à a delinquenza. Passa pà tematichi com'è i prublemi à i vicini, par asempiu inghjiru à i stabilimenti di notti di u portu di Toga in Bastia, cù i prublemi d'alcool è di droga inghjinnati, ma dinò ind'i quartieri suttani di a cità cù tinsioni inde certi alloghji suciali.
Steti à senta à Alain Rousseau, u prifettu di Corsica Suprana.
Sur le même sujet
