Conseil municipal d'Ajaccio : quid de l'absence de Simon Renucci ?
(A redazzioni d'Alta Frequenza) - Mentri chì u primu cunsighju municipali d'Aiacciu di u 2015 hà elettu dumenica scorsa u so merri è i so aghjunti, l'uppusizioni cumposta di deci raprisintanti hè intruta in Casa Cumuna cù a voglia vera di mustrà ch'ella hè quì. Travaghjà annant'à tutti i cartulari è in tutti i duminii d'azzioni cù un primu cartulari chì ghjunghjarà assai in furia inde l'emiciculu : u prughjettu di bughjettu. Vinarà dopu un antru cartulari di primura di a mandatura : u PLU. In ssu cuntestu, un'assenza hè stata rimarcata dumenica, quilla di Simon Renucci chì avia purtatu ghjustu appuntu a lista d'uppusizioni principali à Laurent Marcangeli. L'elettu Corse Social Démocrate ùn hè micca demissiunariu ma ghjunghjarà solu in cunsighju municipali quandu a ghjustizia penali si sarà prununziata annant'à i ricorsi intrudutti dopu à l'alizzioni di marzu di u 2014.
I spiecazioni di a siconda di a lista di Simon Renucci, Maria Giudicelli.
Sur le même sujet
