Conséquences du nuage de Tchernobyl en Corse: Marisol Touraine répond à Paul Giacobbi
(A redazzioni d'Alta Frequenza) - Duranti una nova seenza publica à l'Assemblea Naziunali è i tradiziunali quistioni à u guvernu, u diputatu di Corsica Suprana è presidenti di l'Esecutivu Paul Giacobbi hà intarrugatu u Primu ministru, Jean Marc Ayrault, nant'à u cartulari di i cunsiquenzi di u nivulu di Tchernobyl à u nivellu di a saluta. Paul Giacobbi hà fattu rifarenza à l'inchiesta rializata da l'uspidali Galliera in Ghjenuva, ritinutu da a Cullettività Tarrituriali di Corsica, è dimustrendu a splusioni di i malatii di a tiroida di pettu à u passaghju di u nivulu radiuattivu. Ss'ultimu vulia dunqua sapè s'è u guvernu duvia crià una legi pà parmetta à i vittimi passati o à vena d'accidenti nuclearii d'uttena un'indennisazioni. A risposta di u guvernu ùn hè micca intarvinuta da a voci di u Primu ministru, ma finalmenti da quilla di a ministra di l'Affari Suciali è di a Saluta, Marisol Touraine. Sicondu ella, l'inchiesta di l'uspidali ghjenuvesi, di pettu à i so dati metudulogichi, ùn parmetti micca di fà una leia di causa à effettu trà u passaghju di u nivulu è a crescita scema di i cancari di a tiroida.
Ecoutez Marisol Touraine, ministre des Affaires Sociales et de la Santé.
