Corse Composites Aéronautiques, un modèle de réussite pour l'économie insulaire
(A redazzioni d'Alta Frequenza) - Corse Composites Aéronautiques, l'intrapresa industriali a più grossa di l'isula, hà inauguratu in fin di sittimana scorsa ind'i so lucali i so novi mezi di pruduzzioni. Eletti isulani erani invitati, ma dinò u prifettu di Corsica o ancu parechji parsunalità di u mondu di l'aeronauticu. In u prugramma, prisintazioni di a sucità è di i so evuluzioni, prima di fà una visita di l'usina è di i so nuvità. Ramintemi chì Corse Composites Aéronautiques, chì asisti dipoi 32 anni, impiega à pocu pressu 250 parsoni spartuti trà i siti d'Aiacciu è di Tunis, ch'ella t'hà com'è clienti maiò par asempiu Airbus, Dassault Aviation o Aerolia, è cù un sciffru d'affari previsiunali pà l'annu 2014 di 40 millioni d'auri. Cù un parsunali d'alta qualificazioni è una capacità d'innuvazioni forti, CCA, ancu puru s'ella hè una piccula intrapresa, si batti propiu bè annant'à ssu marcatu cuncurrenziali maiò di l'aeronauticu, ciò chì rendi u so direttori generali assai cuntentu.
Steti à senta à Jean Yves Leccia.
Sur le même sujet
