Corse dans la Constitution : la réponse de Manuel Valls
(A redazzioni d'Alta Frequenza) - L'assembla naziunali, si sà, hà righjittatu ssu marti l'amendamenti prisintati da Paul Giacobbi è François Pupponi nant'à a scrizzioni di a Corsica nentru a Custituzioni. "Fora di sughjettu", hè cusì ch'ella hè stata custruita l'argumentazioni di u guvernu pà ricusà amendamenti dendu à a Corsica a so vera piazza in a Custituzioni francesi. Lingua corsa, statutu di residenti, fiscalità, tutti i riformi maiò aspittati in Corsica sò resi impussibuli parchì sò cuntrarii à a Custituzioni. Postu chì a Corsica ùn asisti micca nentru à quissa quì, ùn pò micca benefizià dunqua di ssu gennaru di riforma. Manuel Valls hà vulsutu risponda di manera parsunali à i dumandi posti da i dui diputati corsi. D'appressu à ellu, amintà u prublema corsu in una revisioni custituziunali nant'à a "prutezzioni di a nazioni" hè impussibuli. Eppuru, ancu s'ellu sarra a porta, u Prima ministru laca spuntà pà altri uccasioni com'è una piccula apartura.
Steti à senta à Manuel Valls.
