Corse-du-Sud : le métier de boucher, un blason à redorer
(A redazzioni d'Alta Frequenza) - U settori di i macillari era à l'unori ssu luni in Aiacciu ! Una ghjurnata pà a prumuzioni di u mistieru era urganizata in fatti, in prisenza di u presidenti di a Cunfederazioni francesi di i macillari, Christian Le Lann. Pà l'uccasioni, c'hè statu un barbecue giganti annant'à a piazza di l'Olmu, rializatu da i macillari tradiziunali è i ghjovani chì amparani u mistieru par asempiu. Prima di què, duranti a matinata, u laburatoriu di i macillari di u Centru di Furmazioni pà i ghjovani d'Aiacciu hè statu inauguratu. Un locu unicu in Corsica induva quilli chì amparani in alternenza in u CFA pudarani riceva una furmazioni teorica è pratica di qualità. Un arnesi indispinsevuli, com'ellu a ci spiega Patrick Mias, u presidenti di u sindicatu di i macillari di Corsica Suttana, chì ci parla dinò di com'ella si porta a filiera carri inde l'isula.
U stemi à senta.
Sur le même sujet
