Corsica Colis fête son quinzième Noel
(A redazzioni d'Alta Frequenza) - Pà i festi di fin d'annata, pà tutti quilli chì poni, si pensa sempri à unu o ancu parechi belli ripasti, cù prudutti freschi è varii. Forsa di più in Corsica cà in altrò, sò missi in avanti pà l'uccasioni i prudutti lucali. Prudutti difficiuli à truvà quandu a parsona hè in cuntinenti o à u stragneru. È ghjustu appuntu, avvicinà i corsi, qualsiasi u so locu, da i prudutti di a so terra, hè unu di i scopi di Corsica Colis. Ss'intrapresa bastiaccia, diretta da Philippe Pomonti, cunnosci un successu rigulari è cuntinuu pà u so quindicesimu Natali oramai dopu à a so criazioni in u 1999. In magazenu com'è nant'à corsica-colis.com, una scelta larga di prudutti hè pruposta pà cunvena à u più clienti pussibuli chì poni rializà u so pacchettu com'elli volini, prudutti chì ghjunghjini da parechji pruduttori isulani.
Steti à senta à Philippe Pomonti.
Sur le même sujet
