Corsica Libera: après l'espoir, le doute
(A redazzioni d'Alta Frequenza) - Corsica Libera è l'Associu Sulidarità ani tinutu ssu marti dopu meziornu una cunfarenza di stampa cumuna in Aiacciu. Si trattava prima di fà cunnoscia a so analisi di u scontru di u 22 di nuvembri scorsu in Parighji trà i ministri di l'Internu è di a Dicintralisazioni è una dilegazioni d'eletti di a Corsica, pà ammintà l'avvena custituziunali è istituziunali di l'isula. S'ellu paria chì ci fussi una certa suddisfazioni inghjiru à l'ambiu ghjinirali di i scambii dopu à a riunioni, pari chì l'affari sighini cambiati dipoi calchì ghjornu. In fatti, chjarificazioni devini essa arricati u più prestu pussibuli da u Statu, par asempiu pà ciò chì tocca u calendariu di travaghju, ciò chì faci pinsà à Corsica Libera è Sulidarità chì ognunu prova à "ghjucà cù u tempu" in Parighji. I dui entità ùn si poni impidiscia di fà dinò un parallelu cù l'arristazioni numarosi chì ani toccu u mezu naziunalistu calchì ghjornu dopu, inghjinnedu a missa in asamini di cinqui parsoni, cù dopu una nova cunfusioni trà svianza maffiosa è militanti naziunalisti fatta da Manuel Valls. Un cuntestu chì, pà Josepha Giacometti, ùn parmetti micca di guarantiscia un dialogu puliticu appaciatu.
Steti à senta a cunsighjera tarrituriali Corsica Libera.
