Corsica Libera dénonce l'amalgame entre grand banditisme et revendication politique
(A redazzioni d'Alta Frequenza) - Dopu à l'arristazioni di parechji parsoni ind'u rughjoni aiaccinu marti, ind'u quadru di unu o di parechji attentati accaduti in u 2011, Corsica Libera tinia issu ghjovi dopu meziornu una cunfarenza di stampa. U muvimentu naziunalistu dinunzia cù forza "a cunfusioni di u Statu francesi" trà grandi banditisimu è rivindicazioni pulitica, à traversu à una riprissioni cuncintrendu si "solu nant'à i deliti d'upinioni". Una riazzioni liata à i parolli di Manuel Valls, u ministru di l'Internu, issa dumenicata ind'i media naziunali. Corsica Libera a dici di modu chjaru : "ci voli à circà tutti i gennari di maffiosi in altrò". "I corsi aspettani altri risposti", sicondu François Sargentini, à u nivellu ecunomicu, suciali, in materia di lingua corsa è di riforma istituziunali ; risposti à prublemi propiu pulitichi.
Écoutez François Sargentini.
