Corsica Libera pour la tenue de véritables assises de la formation et de l'emploi
(A redazzioni d’Alta Frequenza) - A tinuta di veri assisi di a furmazioni è di l’impiecu : hè a dumanda di Corsica Libera, missa in risaltu duranti l’ultima sissioni di l’Assemblea di Corsica. U gruppu naziunalistu vularia in fatti aduniscia è intarrugà l’insemi di l’attori ind’a materia, da purtà una riflessioni, difiniscia priurità è furmulà pruposti, da parmetta à i ghjovani isulani « di custruiscia a Corsica di dumani » cù cumpetenzi solidi. Ghjovani corsi chì t’ani à spessu una furmazioni via strutturi lucali sviluppati com’è l’Università di Corsica, ma chì sò malgradu tuttu « vittimi di discriminazioni à l’impiecu », d’appressu à Corsica Libera, quandu chì iss’ultimi si prisentani, à cumpetenzi uguali, pà certi posti cù parsoni ghjunti da fora. Una situazioni dighjà dinunziata d’altrondi da u STC, frà altru da u cantu di EDF-GDF. Sicondu Josepha Giacometti, a CTC si devi impatruniscia di issu prublema, in quantu chì istituzioni primurendu si di l’intaressi matiriali è murali di i corsi, à traversu à assisi, com’ella hè statu u casu pà u fundariu è l’alloghju.
Écoutez Josepha Giacometti.
Sur le même sujet
