Corsica Libera réaffirme et précise ses propositions sur la dépossession immobilière
(A redazzioni d'Alta Frequenza) - Issu marti duranti una cunfarenza di stampa, Corsica Libera hà pricisatu torna i so pusizioni nant'à a lotta contr'à u spussessu immubiliari, mentri chì da quì à calchì settimana un prughjettu di riforma larga sarà asaminatu da u cantu di l'Assemblea di Corsica pà ciò chì tocca frà altru à a fiscalità, l'ufficialità di a lingua corsa, l'architettura istituziunali è u fundariu. Ùn ci hè micca surpresa nant'à a forma postu chì a citadinanza corsa à u capu di deci anni di residenza inde a nostra isula, una pruposta chì ùn hè micca d'arimani drentu à u partitu, hè stata ammintata torna. Ma nant'à u fondu, pricisioni novi sò stati arricati, frà altru nant'à a cunsiderazioni di i membri di a diaspora inde u dispusitivu. È nant'à issu puntu, dopu ad avè studiatu bè u dirittu francesi, ci sò testi chì asistini è chì aprini a porta à a presa in contu di a diaspora. Si pò truvà d'altrondi a rifarenza à un testu appiecatu in oltremari, nant'à a nuzioni d'intaressi murali è matiriali, chì pighja in contu par asempiu u locu di sepultura di l'ascendenti, una nuzioni chì cacciaria qualsiasi dubbitu pà parechji membri di a diaspora, diaspora chì sarà cunsultata nant'à issu sughjettu da Corsica Libera à traversu parechji associ di corsi chì campani in cuntinenti.
On écoute Jean-Guy Talamoni.
