Corsica Libera réagit au dépôt des armes du FLNC et à ses perspectives politiques
(A redazzioni d'Alta Frequenza) - Ssu marti, Corsica Libera hà riagitu à u fattu chì u FLNC rindissi l'armi è i cunsiquenzi di ssu fattu quì à u pianu puliticu, in Corsica ma dinò à u nivellu u più altu di u Statu. U partitu indipendentistu pensa chì l'unità chì pari spuntà à u nivellu puliticu in Corsica cuncirnendu parechji quistioni impurtanti com'è u statutu di residenti, a fiscalità o a cuufficialità di a lingua corsa hè a raghjoni principali di ssa dicisioni. In ssu filu quì, Corsica Libera insisti annant'à i dimarchji d'apartura di currenti pulitichi tradiziunali, par asempiu à manca è più particularmenti di Jean Charles Orsucci è d'Emmanuelle de Gentili. Più cà mai, pari chì fà fronti, d'un puntu di vista puliticu, di pettu à u Statu sighi l'unica suluzioni par aiutà a Corsica à andà versu di più prugressu pà u partitu indipendentistu, chì faci una critica forti di u cumpurtamentu di Manuel Valls, Bernard Cazeneuve, è di i prifetti di Corsica, par asempiu in u cartulari di a SNCM, è què à a vigilia di a visita in Corsica di Marylise Lebranchu, a ministra di a Riforma di u Statu, di a Dicintralisazioni è di a Funzioni publica.
Steti à senta à Ghjuvan Guidu Talamoni.
Sur le même sujet
