Corsica Libera revient sur le PADDUC et sur son influence dans les amendements
(A redazzioni d'Alta Frequenza) - Ssu marti, Jean Guy Talamoni è Josepha Giacometti ani fattu cunnoscia a so cuntintezza dopu à l'aduzzioni di u PADDUC da l'assemblea di Corsica. Aldilà di tutta a purtata simbolica di un votu simuli di l'assemblea di Corsica annant'à chì tuttu ognunu s'accurdava ind'i dichjarazioni chì ani suvitatu ghjustu dopu, Corsica Libera hà vulsutu vultà annant'à i so picculi vittorii à mezu à quilla maiò, quilla di l'amendamenti chì u partitu hà riisciutu à integrà nentru à u ducumentu. Un cartulari emblematicu, com'è quillu di a Testa Vintilegna, hè statu arrigulatu par asempiu grazia à unu di ss'amendamenti caccendu l'accessu chì era privistu, una cartula paisaghjera è architetturali hè stata intrudutta, è si ritrova oramai una minzioni à una riserva cuncirnendu u portu di a Carbonite. Oramai, a seguita di u travaghju sarà di fà chì Parighji accittessi u PADDUC tali è quali, ancu s'è a cinsura di a nuzioni di populu corsu ferma prubabili. Una cinsura chì ùn diragnaria micca malgradu tuttu d'appressu à Corsica Libera u missaghju principali, vali à dì u fattu chì a maghjurità di l'eletti ani cunfirmatu cusì u fattu di travaghjà à u serviziu di u populu corsu.
Steti à senta à Josepha Giacometti.
