Corsica Libera revient sur le référendum sur l'indépendance en Catalogne
(A redazzioni d'Alta Frequenza) - C'hè statu a dumenicata scorsa in Catalogna un referendum annant'à l'indipendenza, un referendum micca legali pà u guvernu spagnolu. 81% di u 1 300 000 catalani chì sò andati fin'è l'urni ani vutatu à prò di un statu catalanu è di a so indipendenza. Ancu s'ella ferma limitata a participazioni, pà Corsica Libera, pà cambià a tindenza, ci vularia una participazioni superiori di pettu à quilla chì hè custatata di regula in Catalogna è chì u sopra più di participazioni sighi cunsacratu di manera sana à u "innò", a prova chì ssa vulintà pari maghjuritaria oghji in Catalogna. Una vulintà chì trapassa u fattu ecunomicu sicondu a dilegazioni di Corsica Libera chì era in Catalogna, chì hà vistu nisun leia particulari dimustrata à un partitu duranti ssa dumenicata quì.
Steti à senta à Massimu Poli chì facia parti di a dilegazioni di Corsica Libera chì hè partuta in Catalogna è chì ci spiega parchì ssu referendum pò essa una spera pà l'indipendentisti corsi.
Sur le même sujet
