Corte : plusieurs centaines de personnes dans la rue pour l'amnistie des prisonniers politiques
(A redazzioni d'Alta Frequenza) - Parechji centunai di parsoni si sò accolti ssu marcuri dopu meziornu in Corti à a chjama di i sindicati studientini Ghjuventù Indipendentista, Ghjuventù Paolina è Cunsulta di a Ghjuventù Corsa pà una manifistazioni à prò di i prighjuneri pulitichi corsi. Partuti da a piazza Paoli versu dui ori è mezu, i manifistanti sò andati dopu fin'è a sottu prifittura, senza incidenti, prima chì una dilegazioni cumposta di membri di i trè sindicati è di u presidenti di l'Università di Corsica Paul Marie Romani sighi ricivuta da u raprisintanti di u Statu. I studienti erani prisenti di sicuru, ma dinò membri di a sucità civili, o ancu sustegni di prima trinca, com'è i presidenti di l'Esecutivu è di l'Assemblea di Corsica, Gilles Simeoni è Ghjuvan Guidu Talamoni. Pà Paul Salort, u portavoci di a Ghjuventù Indipendentista, ssa manifistazioni hè stata riesciuta.
U stemi à senta.
Sur le même sujet
