Costa Concordia : comment protéger les côtes de la Corse ?
(A redazzioni d'Alta Frequenza) - L'assemblea di Corsica hè adunita pà a prima volta di l'annu oghji (ghjovi), pà una sissioni chì hà da durà dui ghjorni. À u prugramma di issa matinata, i quistioni urali à l'Esecutivu, chì si pudiani suvità com'è sempri in direttu è di modu sanu nant'à i nostri ondi. U naufragiu di u Costa Concordia, s'hè invitatu drentu à l'emiciculu. Aldilà di u drama umanu, Fabienne Giovannini, s'intarrugava nant'à i cunsiquenzi eculogichi di una catastrofa simuli. L'eletta hà rammintatu chì una muzioni à l'unanimità di l'Assemblea di Corsica di u 29 di lugliu scorsu, era sempri oghji chì hè oghji senza risposta. A raprisintanti di Femu a Corsica vulia sapè, ciò chì era statu fattu, à cortu andà da pruteghja i nostri costi, ma dinò chì dicisioni pulitichi sarani presi à mezu è longu andà da privena issu gennaru d'accidenti. Pà puntu primu, frà altru, a missa in piazza di una Zona Maritima Particularmenti Sinsibuli (ZMPV) ind'u canali di Corsica è l'uppusizioni à u rinnovu i l'autorisazioni di i splurazioni di petrollu in zona PACA. U presidenti di l'Uffiziu di l'Ambienti Petru Ghionga hà prisintatu prima i misuri ch'erani stati presi subbitu dopu à u naufragiu, à u nivellu di a privenzioni, è in accordu cù u Prifettu Maritimu di u Mediterraniu. Hà annunziatu frà altru ch'ellu avia da travaghjà nant'à l'aduzzioni di parechji dispusizioni è d'azzioni.
On écoute Pierre Ghionga.
