Costa Concordia : mobilisation populaire en mer et à terre ce jeudi
(A redazzioni d'Alta Frequenza) - C'hè stata una riunioni nova ssu marcuri trà eletti, socioprufiziunali, sindicati è associ annant'à u trasportu di u Costa Concordia, chì passarà dumani (ghjovi) à u largu di i costi corsi. I parsoni chì ani raghjuntu a chjama di Bastia di u 21 di lugliu di u 2014 urganizeghjani una mubilisazioni pupulari maiò in mari ma dinò annant'à tarra ssu ghjovi u 24 di lugliu à partasi di 3 ori, cù una mutivazioni unica "Salvemu u nostru mare!" In mari, parechji picculi battelli di mossa citadina s'ani da aduniscia daretu à un battellu cuurdinatori, cumandatu da prufiziunali di a navigazioni, partendu da u Vechju Portu di Bastia par andà versu Capu Sagru. Andarani di manera simbolica versu tuttu u dispusitivu di trasportu di u Costa Concordia. Annant'à a tarra, a pupulazioni hè invitata à manifistassi quand'elli passarani i picculi battelli; u puntu pà ritruvassi pà a manifestazioni tarra è mari si farà dinò in Capu Sagru versu 6 ori.
