Coup d'envoi pour Corsica Maritima qui devient Corsica Linea
(A redazzioni d'Alta Frequenza) - Ssu luni annant'à u Stena Carrier, primu battellu presu in affittu da Corsica Maritima, chì si chjama oramai Corsica Linea, François Padrona, u capimachja di ssa cumpagnia nova, accumpagnatu da i so cuazziunarii com'è u so anzianu avversariu annant'à u cartulari di a ripresa di a SNCM, Daniel Berrebi, hà sviluppatu l'ambizioni di a cumpagnia nova, chì conta guasgi sissanti rimorchi annant'à u so primu viaghju trà Bastia è Marseghja ssu luni. Dopu ssa prima linea, uparaziunali annant'à trè viaghji à sittimana, u portu d'Aiacciu sarà cuncirnatu dinò ellu, podassi à a mità di farraghju, prima di l'ambizioni piuttostu cummirciali à calchì mesi di a staghjoni turistica. Un cumpagnia chì hà acquistatu un battellu, l'Antarès, chì quand'ellu sarà battizatu Corsica Linea I, cuntarà una squadra à 100% corsa. Davanti à parechji centunai d'intraprenadori, d'istituziunali è d'attori di u mondu puliticu, François Padrona hà ringraziatu dinò à Gilles Simeoni è Camille de Rocca Serra pà u so sustegnu di sempri in ss'aventura chì principia senza mancu un soldu publicu.
Steti à senta à François Padrona.
