Coup de gueule de l'hebdomadaire L'Informateur Corse Nouvelle cette semaine
(A redazzioni d'Alta Frequenza) - "U troppu Stroppia, Silence on coule !", eccu u titulu di u sittimanali isulanu L'Informateur Corse Nouvelle di a sittimana. Ssu numaru 6522, chì hè chjamatu dinò "u ghjurnali di a collera", t'hà solu ottu paghjini induva no pudemi truvà l'edituriali tradiziunali, un articulu di Xavier Peraldi, maestru di cunfarenza in Scenzi ecunomichi à l'università di Corsica, è ritratti numarosi annant'à l'ultimi evenimenti di l'attualità di u mumentu. Cù ssu numaru di scuntintezza, vindutu pà l'uccasioni à un prezzu eccezziunali, 10 centimi, Paul Aurelli, u direttori di a publicazioni è di a redazzioni, voli dinò pighjà pusizioni annant'à i prublematichi chì a Corsica cunnosci in ssu mumentu, à u nivellu suciali soprattuttu. Parchì d'appressu à ellu, hè dinò u rollu di a stampa di pighjà pusizioni forti, quand'ella hè gravi l'ora.
Steti à senta à Paul Aurelli, direttori di a publicazioni è di a redazzioni di L'Informateur Corse Nouvelle.
