Coup de théâtre à l'Office Hydraulique : Emmanuelle de Gentili démise de la présidence de l'OEHC
(A redazzioni d'Alta Frequenza) - In una cumunicazioni assai corta, a Cullittività Tarrituriali di Corsica hà annunziatu chì a presidenti di l'Uffiziu Idrolicu di a Corsica, Emmanuelle de Gentili, hè stata smessa di i so funzioni. Ssa dicisioni intarveni mentri chì in fin di sittimana scorsa, quissa quì avia presu pusizioni ind'u quadru di u cunflittu chì upponi Ange de Cicco, direttori chì hè statu riintruduttu grazia à una dicisioni di ghjustizia eppo torna suspesu, à a CTC. Emmanuelle de Gentili avia fattu sapè par asempiu a so surpresa di pettu à i metudi aduprati. In ssu cumunicatu cortu, Paul Giacobbi ni dici micca di più, amintendu dopu à un intrattenu ssu luni cù Emmanuelle de Gentili "disaccordi prufondi" pà spiegà a so dicisioni.
Sur le même sujet
