Coupure d'eau à Ajaccio
(A redazzioni d'Alta Frequenza) - L'acqua hè stata taghjata ind'i quartieri di i Canni è di i Salini dopu chì un cunduttu si sighi rottu. Una canalisazioni vechja s'hè sciappata stamani (luni) versu u cantieru di i Canni, cù com'è cunsiquenza un'alimentazioni chì ùn si faci più. I servizi tennichi di a cità mettini tuttu in opara pà fà vultà l'acqua duranti u dopu meziornu, ma dipendi di sicuri di i cundizioni liati à u tempu. Kyrnolia travaghja in cuntinuu cù l'intrapresa in carica di i travaghji pà rializà i riparazioni è i spiazzamenti nicissarii di i canalisazioni inde l'impresa di u cantieru. Si ni duvaria sapè di più da quì à calchì ora.
Sur le même sujet
