Coupure d'eau à Ajaccio : précisions importantes concernant les secteurs touchés
(A redazzioni d'Alta Frequenza) - Dopu à u cumunicatu publicatu ssu luni annant'à a tagliatura d'acqua chì hà da intarvena ssu ghjovi à partasi d'8 ori di sera fin'è u lindumani à 3 ori di dopu meziornu in Aiacciu, a Cità voli rassicurà a pupulazioni dendu pricisioni sfarenti. In fatti, u risicu di tagliatura d'acqua hà da intarvena annant'à i settori di u Loretu, di a strada di u Vittulu, di u perimetru di l'uspidali è d'una parti di a strada di i Sanguinari solu pà i casi chì sò trà 50 metri è 80 metri d'altitudina. I settori induva l'acqua ghjunghja grazia à altri pozzi o chì sò in punti bassi ùn sarani micca tocchi. Malgradu tuttu, a Cità ramenta u scopu di u primu cumunicatu : tutta a pupulazioni devi riducia a so cunsumazioni da fà chì l'abitanti di i lochi tocchi da ssa tagliaturia cunniscissini u minimu di cunsiquenzi.
Sur le même sujet
