Couveuses d'entreprises : satisfaction de l'ADEC
(A redazzioni d'Alta Frequenza) - Un bilanciu pusitivu, eccu comu si pò difiniscia u bilanciu di a cunvinzioni di rinnovu firmata in u 2011 trà a SNCM è a Couveuse d'Entreprises di Corsica. Quissa quì, chì facia parti di l'ubligazioni di a SNCM ver di u Statu dopu à u so ultimu pianu suciali, t'avia pà scopu dunqua d'aiutà a criazioni d'impiechi. Scopu piuttostu bè riisciutu, parchì chì centu purtadori di prughjettu sò accumpagnati ogni annu ind'a criazioni di a so intrapresa o ind'un ritornu à l'impiecu. Nant'à a "couveuse" bastiaccia, più particularmenti, hè un sciffru di 68% chì hè statu censatu pà u 2011. Scagnu di studii in design prudutti, capi cucinaru in casa o ancu cusgitura in casa ind'u rurali, calchì prughjettu à mezu à parechji altri criati ind'u quadru di a "couveuse", duva quilli chì n'apprufittani sò donni à maiò parti. À mezu à i numarosi partenarii istituziunali di a Couveuse d'Entreprise di Corsica, ci si trova l'ADEC.
On écoute le président de l'ADEC Jean Zuccarelli qui se réjouit de la réussite du dispositif et nous dit quels moyens seront engagés dans l'avenir.
Sur le même sujet
