Création d'entreprise: l'appui financier de BPI France
(A redazzioni d'Alta Frequenza) - U 1u Salonu di a Criazioni d'Intrapresa hè statu urganizatu ssu ghjovi à u Palazzu di i Cungressi d'Aiacciu. Ssa manifestazioni, urganizata da a Camara di Cumerciu è d'Industria di Corsica Suttana, da a Camara dipartimintali di i Mistieri è da l'ADEC, t'hà com'è scopu di prumova u spiritu d'intrapresa pà un publicu largu, ch'ellu si trattessi di ghjovani, di parsoni senza impiecu o in difficultà par asempiu. Un appuntamentu chì parmetti dinò di favurizà l'accessu à l'infurmazioni, di valurizà l'iniziativi è incuragiscia, accumpagnà è sustena a criazioni. L'uccasioni infini è soprattuttu di prisintà cù parechji ditagli i dispusitivi d'aiuti è d'ingenieria missi in piazza da a CTC pà batta à prò di a criazioni d'intrapresa, elementu di primura par asempiu pà ghjovani chì si vulariani lancià è chì troppu spessu sò intimuriti o pinserosi quand'ellu si tratta di francà u passu. BPI France, si sà, s'investisci assai ind'u sviluppu ecunomicu di l'isula. Ssa Banca Publica d'Investimentu intarveni par asempiu ind'u finanziamentu di a criazioni d'intrapresa, è particularmenti ind'u duminiu di a guaranzia d'imprestitu. Un cumplementu essenziali pà un ghjovanu intraprenadori ind'u muntami di u so finanziamentu glubali.
Steti à senta à Cécile Donsimoni, direttrici righjunali di BPI France.
Sur le même sujet
