Création d'un réseau "Contraception- Prévention IVG" en Corse-du-Sud
(A redazzioni d'Alta Frequenza) - Una reta dipartimintali "cuntracizzioni - privenzioni di l'IVG" hè stata missa in ballu à l'iniziativa di u Dipartimentu di Corsica Suttana. Di pettu à un custatu difficiuli, vali à dì chì a Corsica hè siconda à u nivellu naziunali in tarmini d'IVG, u Dipartimentu hà dicisu d'agiscia grazia à ssa reta, chì adunisci i medichi liberali, i stabilimenti è i prufiziunali di a saluta, i casci d'assicuranzi malatia, l'istituzioni... Da un'antra banda, un studiu hè statu cumandatu ind'è l'ORS pà cunnoscia di manera più pricisa i causi di ss'IVG numarosi in Corsica. Si trattarà in fatti d'adattà i prublematichi cù par asempiu a presa in carica, à u nivellu di l'accessu à a cuntracizzioni, di i publichi i più precarii.
Prisintazioni è spiecazioni di u Duttori Louiset, rispunsevuli di a PMI in u Dipartimentu di Corsica Suttana.
