Création du collectif pour la défense de l'école
(A redazzioni d'Alta Frequenza) - Cunfarenza di stampa stamani (marcuri) in Bastia di u Cullettivu pà a difesa di a scola, custituitu da i sindicati insignanti maiò da dinunzià i misuri tucchendu à l'Accademia di Corsica. U scopu di issu cullettivu hè di crià un spaziu di dialogu è d'unioni di i forzi vivi di a sucità aldilà di u chjerchju di i sindicati, cù i parenti d'elevi, i muvimenti pulitichi è di modu più largu qualsiasi citadinu chì si senti cuncirnatu. Primu fattu dinunziatu da u Cullettivu, quillu di a supressioni privista da l'Educazioni Naziunali di diciottu posti d'insignanti ind'u rughjoni, mentri chì u numaru di sculari ùn pianta micca di crescia dipoi parechji anni. Issa dinunzia sarà suvitata da un'azzioni, postu chì u cullettivu chjama à l'adunita marcuri chì veni à 9 ori è mezu davanti à l'ispizzioni d'accademia da cuntistà tutti issi supressioni di posti.
On écoute Fabien Mineo pour le collectif
Sur le même sujet
