Crise à la CAB : les personnels grévistes reprennent le travail sans être rassurés
(A redazzioni d'Alta Frequenza) - Ssu luni, i merri di i cinqui cumuni di a Cumunità d'Agglumerazioni di Bastia ani ricivutu i parsunali è i sindicati pà discorra di l'ambienti suciali assai cumplicatu in una CAB in situazioni di blucchimi, una parti di i parsunali frà i quali quilli di a CGT essendu in dirittu di ritiru dipoi ssu vennari. È dopu à ssa riunioni, a CGT è l'altri parsunali in greva ani dicisu infini di ripighjà u travaghju ssu marti. Ma ssa ripresa di u travaghju ùn hè micca u fruttu d'avanzati significativi pà u sindicatu, chì dici ch'ellu ùn voli micca pighjà pusizioni à prò di l'uni o di l'altri. Un bughjettu di i parsunali hà da essa elaburatu ancu par essa prupostu in alternativa. Soprattuttu, i cundizioni di travaghju fermani essa difficiuli.
Steti à senta à Louis Tomei pà a CGT di a CAB.
