Critiques sur l'insécurité à Bastia : la réponse offensive d'Emile Zuccarelli
(A redazzioni d'Alta Frequenza) - Marcuri scorsu, Inseme per Bastia avia fattu una critica forti di a situazioni d’insecurità inde a cità, Gilles Simeoni ammintendu u fattu chì a municipalità ùn hè micca efficaci è annunziendu u boycott di u prossimu cunsighju municipali. Vennari s’hè tinutu issu cunsighju municipali, chì s’hè apartu cù una risposta d’Emile Zuccarelli, u merri di Bastia, contr’à l’uppusizioni. È ci voli à dì la, l’alizzioni municipali à vena è u so spiritu si sò propiu risintuti duranti iss’intarvinzioni assai forti. In fatti, sicondu ellu, Inseme hà sempri ricusatu « di cundannà a viulenza è frà altru l’attentati, attentati [chì sò] stati largamenti di modu ghjinirali sciaccamanati da Gilles Simeoni è i so amichi », irunizendu nant’à u fattu chì i so ultimi spiazzamenti à u cumissariatu fussini à prò di « l’allarghera di parsoni arristati chì t’aviani splusivi è Kalachnikov ». U merri hà incalcatu dinò nant’à a prisenza di più in più impurtanti di a pulizza municipali nant’à u tarrenu è u studiu di una suluzioni di videò survighjenza à mezu à d’altri suluzioni pà trattà issu prublema.
On écoute Emile Zuccarelli, qui évoque aussi le travail de la JIRS.
