CTC : le budget primitif 2015 adopté avec une majorité relative
(A redazzioni d'Alta Frequenza) - L'assemblea di Corsica hà aduttatu in fin di ghjurnata (ghjovi) u bughjettu primitivu pà l'annu 2015, l'ultimu appruntatu da a mandatura di Paul Giacobbi. Un bughjettu ch'ellu ci hà prisintatu u presidenti di l'Esecutivu è chì pò essa riassuntu in calchì parolla simplici : fà di più, di più carichi annant'à a CTC cù menu, menu aiuti di u Statu è què cù una fiscalità chì ùn movi micca. Ssu bughjettu hè statu aduttatu cù una maghjurità rilativa di 24 voti, parchì 19 voti sò stati contr'à quissu quì. U gruppu Femu a Corsica, cù Paul Félix Benedetti in più, vali à dì 12 voti, più setti voti di a diritta sò stati contr'à ssu ducumentu. A diffarenza, vali à dì 8 voti, si sparti trà assenzi è eletti chì ùn ani micca vulsutu dà u so parè. Femu a Corsica, u gruppu naziunalistu u più impurtanti hà vutatu contr'à u bughjettu prisintatu, com'è tutti l'anni; parchì ?
Steti à senta à Jean Biancucci, chì hà difesa a pusizioni di u so gruppu.
