Cynips : les castanéiculteurs corses ne produisant pas en AOP pas indemnisés
(A redazzioni d'Alta Frequenza) - L'aiuti, micca pà tuttu u mondu ! Eccu u mughju lampatu da l’Associu di i Pruduttori di Farina Castagnina Tradiziunale. Quissu quì cuntesta in fatti a manera di sparta l'aiuti regiunali d'indennisazioni di i perditi di i racolti di castagni par via di a sparghjera di u cynips. D'appressu à ellu, a Cullittività Tarrituriali di Corsica indennizarà solu i racolti è i pruduzzioni certificati in AOP è micca tutti i racolti censati annant'à l'isula. Sempri sicondu l'associu, si lacaria cusì da cantu un terzu di i castaneicultori è più di a mità di i racolti censati in u 2012 da l'ODARC. Una dilegazioni di ss'associu hà scuntratu d'altrondi a sittimana scorsa u direttori di l'Uffiziu di sviluppu agriculu è rurali di a Corsica pà pudè capiscia u parchì di ssa diffarenza ; duvaria scuntrà duranti a sittimana u so presidenti. Un'incumprensioni tutali pà i pruduttori tocchi è micca cuncirnati da u dispusitivu d'indennisazioni attuali.
Steti à senta à Paul Colombani, unu di ssi pruduttori.
Sur le même sujet
