De nouvelles initiatives pour aider les jeunes agriculteurs à s'installer
(A redazzioni d'Alta Frequenza) - Stamani (marti), una cunvenzioni di partenariatu hè stata firmata trà a Cullettività Tarrituriali di Corsica, l'ODARC è l'associ Initiative Corse è Corse Active pà aiutà i ghjovani agricultori à stallà si ind'i so lochi à sfruttà. Iss'aiuti finanziarii, à quali pò pratenda qualsiasi parsona eligibili à u prugramma d'aiuti aurupei à i ghjovani agricultori, si prisentani in dui parti. A prima hè un fondu distinatu à guarantiscia l'imprestiti à mezu andà pà l'investimenti nant'à u fundariu, l'edifizii o u matiriali par asempiiu, o bisogni altri di soldi, chì pudarà offra, ind'a limita di 45 000 auri, fin'è 65% di guaranzia nant'à cinqui anni. Quissu quì sarà di 600 000 auri à l'annu pà u 2012 è u 2013, parmittendu in tuttu di guarantiscia 3,6 millioni d'auri d'imprestiti. A siconda hè un fondu di 400 000 auri, finanziatu di modu sanu da a CTC, cunsacratu à l'imprestiti d'unori, chì pudarani andà fin'è 30 000 auri rimbursevuli nant'à cinqui anni. Mudeli chì s'assumighjani à ciò chì s'hè pussutu veda inde d'altri settori, par chì u numaru di ghjovani agricultori à stallà si ogni annu, par avà di 40, sighi più impurtanti à l'avvena.
On écoute Jean-Louis Luciani, président de l'ODARC.
Sur le même sujet
