Débat d’orientations budgétaires au Conseil Départemental de Corse-du-Sud
(A redazzioni d'Alta Frequenza) - Un dibattitu d'urientazioni bughjettarii pà difiniscia l'andatura di a pulitica di u Cunsighju Dipartimintali di Corsica Suttana pà u 2017, eccu ciò chì hè statu discorsu arimani (luni). Un dibattitu senza votu postu chì si trattava d'urientazioni, ma chì trattava assai di l'annata chì pudaria essa transitoria pà u Dipartimentu. Di fattu, s'ella nasci a cullittività unica u 1a di ghjinnaghju di u 2018, l'annata chì principia, è dunqua u bughjettu liatu, devi tena contu di i mutazioni à priveda. Eppuru, pà u presidenti di u Cunsighju Dipartimintali, ssu bughjettu ùn hè micca un'eccezzioni, si scrivi in u filu di i pulitichi ecunomichi di a stituzioni è pighja in contu i rialtà di a Corsica d'oghji. Una cullittività cù un debbitu debbuli, un risparmiu chì parmetti d'assicurà una sulidarità sustinuta, una parti investimenti abbundanti, una cullittività in bona saluta finanziaria chì pò priveda l'avvena. Un avvena chì, d'appressu à Pierre Jean Luciani, dipindarà di l'alizzioni prisidinziali chì veni.
Eccu a so intervista.
Sur le même sujet
