Débat d'orientations budgétaires et politique sociale au programme du Conseil Général 2B
(A redazzioni d'Alta Frequenza) - Aspittendu a sissioni di u cunsighju generali di Corsica Suprana privista ssu ghjovi, a direttrici generali di i servizi di u dipartimentu, Marie Hélène Djivas, hè vultata annant'à i dui sughjetti i più impurtanti chì sarani amintati à ssu mumentu quì. Prima, c'hè u dibattitu classicu, o ancu eternu diciarani certi, cuncirnendu l'urientazioni bughjettarii. Trà i riduzzioni forti di i mezi dati da u Statu, a crescita difficiuli à riducia di certi bughjetti com'è quillu datu à u RSA, senza cuntà i duminii induva l'investimentu hè di primura, hè un veru eserciziu d'equilibriu permanenti di i missioni ch'ellu devi rializà u cunsighju generali cù i so 270 millioni d'auri. Un dibattitu chì sarà quist'annu à u primu rangu cù un schema d'azzioni suciali propiu novu, cuncipitu cù i servizi di u Statu pà un tempu trà u 2014 è u 2018. Cuncertazioni, mutualisazioni, raziunalisazioni è efficacità sò i parolli maestri di un'iniziativa chì hè sempri scarsa in Francia, da fà chì i dui entità ùn travaghjessini più soli da u so cantu ma insemi.
Steti à senta à Marie Hélène Djivas.
Sur le même sujet
