Débat Iniziativa Corsica : réaction de Paul Giacobbi aux déclarations de Michel Rocard
(A redazzioni d'Alta Frequenza) - Michel Rocard ùn sarà micca u nostru agenti ma sarà di cunfidenza ! Eccu u parè di tutti i participanti, vennari scorsu, à u think tank « Alba Nova », un chjerchju di riflessioni lanciatu da Corsica Libera. A dimarchja ditta « iniziativa internaziunali pà una via pulitica in Corsica », hà parmissu di fà vena inde l’isula Joseph Lluis Carod-Rovira, anzianu vici presidenti di a Generalitat de Catalunya, Roberto Louvin, Jean Luc Bennahmias o Francine Demichel, anziana direttrici di l’Università. Ssa dimarchja internaziunali t’hà com’è scopu d’accumpagnà u prucedimentu « custruitu di manera demucratica da l’eletti corsi dipoi cinqui anni oramai è di renda più faciuli a presa in contu da Parighji di a situazioni nova da fà chì un’uccasioni simuli di fà nascia a paci ùn sighi micca persa ».
Steti à senta à Paul Giacobbi annant’à a prisenza è i dichjarazioni di Michel Rocard inde ssu dibattitu.
