Débat législatives 2012 : extrait de Laurent Marcangeli (UMP)
(A redazzioni d'Alta Frequenza) - Ùn ferma cà ottu ghjorni pà tutti i candidati chì cercani a simpatia, s'ellu ùn hè l'accusentu sanu, di l'alittori pà a siconda parti di un veranu puliticu carcu. Un'alternenza hè dighjà stata scelta da i citadini è tutti i menti si cuncentrani oramai nant'à un'altra alternenza pussibuli, quilla chì pudaria inghjinnà daveru un cambiamentu di maghjurità inde l'Assemblea Naziunali. A Corsica, à quali piaci sempri à sviluppà particularisimi, pudaria fà si rimarcà, torna una volta, vutendu à l'incontru di i tindenzi naziunali. I primi indizii, pà ciò chì tocca à i so intenzioni di votu lacani in fatti spuntà una voghja forti di fà cascà u bighjettinu di votu à diritta. Nienti chì stupisici in fatti sicondu i risultati diffusati duranti a prisidinziali è una tindenza chì hè cumintata bella sicura di manera sfarenta da i candidati in corsa. Steti à senta par asempiu stratti di u dibattitu diffusatu nant'à i nostri ondi trà Paul-Antoine Luciani, candidatu Fronti di Manca ind'a prima circuscrizzioni di Corsica Suttana è Laurent Marcangeli, candidatu UMP.
Écoutez Laurent Marcangeli.
Sur le même sujet
