Débat municipal: risque de pollution
(A redazzioni d'Alta Frequenza) - Jean Marc Ciabrini, primu secretariu di a Corsica Suttana di u Partitu Sucialistu rimpiazzarà dunqua à Ange Pantaloni nant'à a lista di Simon Renucci pà l'alizzioni municipali di marzu. Si sà chì u bilanciu di a municipalità d'Aiacciu sarà a parti a più impurtanti di l'argumentazioni pruposta da a manca duranti a campagna eletturali. Ci vularia à sapè s'è ssa campagna ùn sarà micca disturbata da un antru dibattitu, impurtanti dinò, o ancu di più forsa, quillu nant'à l'avvena istituziunali è custituziunali di a Corsica. Si sà chì in ssu mumentu l'affari ùn sò micca troppu chjari, ed hè fatta apposta, nant'à ssa quistioni parchì certi furmazioni pulitichi si ni pighjani ind'i cumuni ad altri furmazioni chì portani à l'assemblea di Corsica un prughjettu di riforma chì racogli un accunsentu largu. D'appressu à Jean Marc Ciabrini, ssu risicu di pulluzioni devi essa scartatu.
Steti à senta à Jean Marc Ciabrini.
