Débat sur l'orientation budgétaire au CG 2A : le sentiment de Jean-Christophe Angelini
(A redazzioni d'Alta Frequenza) - U dibattitu d'urientazioni di bughjettu s'hè tinutu luni à u Cunsighju Ghjinirali di Corsica Suttana. Malgradu u periudu di crisi è inveci chì i dutazioni di Statu si riduciani di più in più, u cunsighju ghjinirali pumuntincu prova à mantena l'affari tinendu un nivellu d'investimentu accettevuli, senza passà di modu sistematicu nè à l'imprestitu nè à a fiscalità. Eppuru, à prupositu di fiscalità, a cullettività dipartimintali ùn pò utilizà cà u solu mezu d'azzioni chì li ferma: a tassa nant'à u fundariu custruitu. A mezana naziunali di issa tassa si situeghja ver di i 15 %, ma u dipartimentu pumuntincu ùn tocca par avà cà 6 à 7 %. Ci hè dunqua una marghjina è senza crescia issa tassa di prilevamentu massimu, ferma à discorra, a cullettività pudaria quantunqua truvà i 6 à 8 millioni d'Auri chì li manca da chjoda u bughjettu. Issa pruposta ùn hà micca fattu l'ughjettu di critichi forti da a parti di l'uppusizioni, ma Ghjuvan Cristofanu Angelini pensa chì forsa ùn s'hè tantu circatu tutti i vii pussibuli da truvà finanziamentu.
Écoutons le
Sur le même sujet
