Débat sur la co-officialité de la langue corse: l'APC réaffirme ses positions
(A redazzioni d'Alta Frequenza) - Hè dumani dunqua chì u cunsighjeru esecutivu Petru Ghionga prisintarà inde l'assemblea di Corsica u raportu rilativu à un statutu pà a cuufficialità è a rinvivita di a lingua corsa. L'ughjettivu sarà di truvà un accunsentu largu drentu à l'emiciculu à l'ora di u votu di issu ducumentu chì t'hà pà scopu d'incuragiscia è di nurmalizà l'usu di u corsu inde tutti i duminii è di guarantiscia l'impiecu ufficiali di u francesi è di u corsu à paru nant'à u tarritoriu isulanu. Un travaghju in parechji tappi chì sarà rializatu, s'è u votu hè pusitivu è chì una riforma di a Custituzioni hè ingaghjata dopu, in un prima tempu inde l'insemi di u serviziu publicu, urganisimi, intrapresi è media istituziunali ma ancu à u nivellu di l'educazioni, cù a ghjiniralisazioni di l'insignamentu bislinguu. Un dibattitu ind'u quali voli participà daveru l'Associu di i Parenti Corsi. Un votu di l'assemblea di Corsica chì pudaria custituiscia, sicondu u so presidenti Denis Luciani, una scelta di sucità ditarminanti. L'APC chì spera assai di issu ducumentu, frà altru nant'à u latu chì u tocca direttamenti, quillu di l'insignamentu.
Ecoutez Denis Luciani.
