Débat sur la desserte maritime : la réaction de Michel Stefani
(A redazzioni d'Alta Frequenza) 26 – 6 – 19 ! Pà quilli chì ùn la sappariani ancu, hè u risultatu di u votu di l’assemblea di Corsica chì, vennari à sera, s’hè prununziatu nant’à u novu cartulari di u serviziu maritimu di l’isula. 26, a maghjurità hè assuluta, ma debbuli di pettu à i spiranzi chì ognunu mittia pà un accunsentu assai largu nant’à una quistioni guasgi esistenziali pà a Corsica, quilla di i so trasporti. 6, sò i voci di quilli chì bramani sempri un paradisu duva a Corsica arrigularia infini a so prublematica di i trasporti maritimi alluntanendu a maghjina fosca di i cunflitti suciali. Sò i voti di a maghjurità righjunali, più quilli di u campu liberali, menu i sei voci di u gruppu cumunistu. In fatti, quissu quì privedi dighjà l’infernu pà un rigulamentu sfattu, di un serviziu publicu à pezzi è à buccò è dunqua una sorti para pà l’impiecu à a SNCM. I 19, sò infini i voti di i dui gruppi naziunalisti, raghjunti da Corse Social Démocrate, chì ùn si sò micca prunuziati pà un testu chì pò essa mighjuratu ma chì pò incuragiscia quantunqua. Solu nant’à u ponti di un battellu ind’a timpesta, Michel Stefani hà pruvatu a ghjurnata sana di vennari à uppona si à u votu di un raportu essendu à milli chilometri di l’idei di u gruppu cumunistu è Front de Gauche. Malgradu tuttu, guasgi tutti i so mudificazioni sò stati scartati, ciò chì hà ghjustificatu un ricusu categoricu di u so gruppu à l’ora di u votu finali.
Écoutons-le.
Sur le même sujet
