Débat sur le maritime : c'est compliqué
(A redazzioni d'Alta Frequenza) - Un prezzu massimu chì ùn faci trasaltà à nimu! Hè cusì ch'ellu si pudaria riassuma u dibattitu à l'assemblea di Corsica, chì torna una volta asamineghja u serviziu maritimu di a Corsica (vennari). Dopu à un dibattitu difficiuli u mesi scorsu, nant'à a Dilegazioni di Serviziu Publicu, quillu tucchendu stavolta à l'Ubligazioni di Serviziu Publicu hà presu a stessa strada. Bè partutu stamani, issu dibattitu finalmenti hè rifalatu, postu chì l'Assemblea di Corsica hè ricascata ind'i so maneri di u sempri, vali à dì a cuntradizzioni è a cunfruntazioni, quandu ch'omu tratta a quistioni di i trasporti maritimi. À tali puntu chì l'assemblea hà ripresu u prugramma "nurmali" di a riunioni, è hà rimandatu a cumissioni di u sviluppu ecunomicu, pà pruvà à truvà un accordu pussibuli nant'à un numaru di mudificazioni scemu. Puntu di disaccordu à mezu à i punti di disaccordu, i famosi prezzi à u massimu chì l'uffiziu di i trasporti vularia impona à tutti i cumpagnii cunvenziunati. Di cosa si tratta?
Écoutons les explications de Paul-Félix Benedetti.
