Début d'un conflit social à la mairie de Biguglia
(A redazzioni d'Alta Frequenza) - Dipoi ssu marcuri, dopu un preavisu di sei ghjorni induva sicondu u STC, ùn c'hè statu nisun appuntamentu, guasgi quaranta agenti municipali di Biguglia, soprattuttu di i servizi amministrativi è tennichi, sò in greva illimitata à a chjama di u sindicatu. L'ambienti suciali, sicondu u STC, hè di peghju in peghju dipoi a criazioni di una sizzioni sindicali STC di una quarantina di parsoni nentru à una municipalità di à pocu pressu sittanta agenti municipali, una situazioni chì hè impeghjurita dipoi u principiu di u mesi. Ssa greva hè liata à un fastidiu, minacci è intimidazioni chì sariani stati custatati ss'ultimi simani da a parti di a direzzioni generali di i servizi sicondu u sindicatu, una lagnanza essendu ancu stata posta da un agenti municipali. U STC dumanda u ritornu di un dialogu sirenu è lampa una chjama in ssu sensu à u diputatu è merri di a cumuna, Sauveur Gandolfi Scheit.
Steti à senta à Dumè Biaggi pà u STC.
